感恩節

 每年11月上尾禮拜四就是感恩節，感恩一年來會當平平安安，事事順利圓滿。過節ê氣氛共台灣過年真成. 美國人是用火雞做主菜配用gravy、cranberry só͘-suh 其他配菜通常有番麥、烘敏豆, 飯後甜路有金瓜pie. 

Múi-nî cha̍p-it goe̍h sióng-bóe lé-pài sì tō-sī kám-un-cheh, kám-un chi̍t-nî lâi ē-tàng pêng-pêng an-an, sū-sū sūn-lī oân-boán. kòe-cheh ê khi-hun kā Tâi-oân kòe-nî chin-sêng. bí-kok lâng sī iōng hóe-ke chò chú-chhài phòe-iōng gravy kā cranberry só͘-suh kî-thaⁿ phòe-chhài thong-siông ū hoan-be̍h, hang bín-tāu , pn̄g-āu tiⁿ-lō͘ ū kim-koe pie.

@@感恩節就是咧提醒咱濟濟ê代誌不是理所當然,是幸運,愛感謝天感謝地,感謝老母kā老父,感謝貴人相助,感謝有一个所在會當遮風避雨,感謝佇咱生活週圍ê人kā咱所有ê一切。

@@kám-un cheh tō-sī teh thê-chhéⁿ lán chē-chē ê tāi-chì m̄ sī lí-só͘ tong-jiân, sī hēng-ūn, ài kám-siā thiⁿ kám-siā tē,kám-siā láu-bú kā láu-pē, kám-siā kùi-jîn siong-chō͘, kám-siā ū chi̍t-ê só͘-chāi ē-tàng jia-hong  phiah-hō͘, kám-siā tī lán seng-hoa̍t chiu-ûi ê lâng kā lán só͘ ū ê it-chhè.

@@路尾彼張相片自制台灣雞肉飯，飯頂頭欠一塊takuan .

@@ lō͘-bóe hit-tiuⁿ siòng-phìⁿ chū-chè Tâi-oân ke-bah-pn̄g , pn̄g téng-thâu khiàm chi̍t-tè takuan.

1.會當ē-tàng : 可以

2.共kā : 跟,和,and 

3.真成chin-sêng: 很像

4.gravy : 一種肉汁淋醬

5.cranberry só͘-suh : 蔓越莓醬, 請台語時個人認為直接用台灣華語或英文 cranberry souce

6.番麥hoan-be̍h: 玉米

7.敏豆bín-tāu: 四季豆

8.甜路tiⁿ-lō͘ :甜點

9.金瓜pie kim-koe pie：南瓜派(饀餅)

10.濟濟chē-chē: 很多

11.代誌tāi-chì: 事情

12.路尾lō͘-bóe: 最後

13.彼張hit-tiuⁿ: 那張

14.takuan :たくあん醃漬黃色蘿蔔