雙胞胎

 **台文漢字佮POJ附華語註解

2021～2022 新年頭舊年尾佇米國加州，有一對雙生á，阿兄佇2021年12月31日暗時11點45分出世，伊ê小妹佇2022年1月1日翻點出世，精差15分，生日變無仝工、無仝月、無仝年。真心適嘛是足罕呢拄著ê代誌。

@@阮後生佮查某囝ê生日，仝一個時晨、仝一工、仝一個月，無仝年。這種例應該嘛無濟。

@@慢來ê祝福「平安喜樂」。

Jī-khòng jī-ĭt~jī-khòng jī-jī ,sin-nî thâu kū-nî bóe tī bí-kok ka-chiu , ū chi̍t-tùi siang-seⁿ-á , a-hiaⁿ tī 2021 nî 12 goe̍h 31 ji̍t àm-sî 11 tiám 45 hun chhut-sì , i ê sió-mōe tī 2022 nî it goe̍h it ji̍t hoan-tiám chhut-sì , cheng-chha 15 hun, seⁿ-ji̍t piàn bô-kâng kang , bô-kâng goe̍h , bô-kâng nî . chin sim-sek, mā sī chiok hán-ni tú-tio̍h ê tài-chì .

@@ Gún hāu-seⁿ kap cha-bó͘-kiáⁿ ê seⁿ-ji̍t , kâng chi̍t-ê sî-sîn , kâng chi̍t-kang , kâng chi̍t-kó͘ Goe̍h , bô-kâng nî . chit-chióng lē eng-kai mā bô-chè.

@@Bān-lâi ê chiok-hok `pêng-an hí-lo̍k .

華語註解：

1.雙生á siang-seⁿ-á : 雙胞胎

2.伊 i : 他

3.翻點 hoan-tiám : 零晨midnight 

4.無仝 bô-kâng: 不同

5.心適sim-sek : 有趣

6.嘛是mā-sī: 也是

7.足罕呢chiok hán-ni : 很少 

8.拄著 tú-tio̍h: 遇到

9.代誌 tài-chì: 事情

10.後生佮查某囝  hāu-seⁿ kap cha-bó͘-kiáⁿ : 兒子跟女兒

11.無濟bô-chē: 不多

沙塵暴

 來到沙漠地區，透世人thâu-chi̍t-pái(頭一次） tú-tio̍h(遇到）強力的風飛沙（沙塵暴），人 giōng-giōng-boeh（差一點）予風吹去，好里佳在是帽啊予風吹去半空中，人趕緊 bih(躲) 入去hō͘-te-luh(hotel)等差不多有2點外鐘，風變細出來hip一張阿相片，報平安。

Lâi kàu soa-bo̍k tē-khu, thàu-sì-lâng thâu chi̍t-pái tú-tio̍h kióng-le̍k ê hong-poe-soa, lâng giōng-giōng-beh hō͘ hong chhoe-khì, hó-lí-ka-chāi sī bō-á hō͘ hong chhoe-khì poàn-khong tiong, lâng kóaⁿ-kín bih ji̍p khì hō͘-te-lú(Hotel) tán chha-put-to nn̄g-tiám gōa cheng, hong piàn sè hip chi̍t-tiuⁿ siong-phìⁿ pò pêng-an.

》相片風變細,藍色的天變phú-sek（灰色）日頭予風飛沙Cha̍h-tiâu-leh（遮掩）尾張風飛沙緊急警報。

>> siong-phìⁿ hong piàn-sè hong piàn-sè,nâ-sek ê thiⁿ piàn phú-sek, ji̍t-thâu hō͘ hong-poe-sa cha̍h-tiâu-leh bóe-tiuⁿ hong-poe-sa kèng-pò.

魯冰花

 **魯冰花* 以POJ為主*台文漢字以簡單掠音*華語說明*請指正* 遲到ê 母親節快樂🎉

「lû-peng-hoa」hoa-gí im sī ha̍k-miâ 「Lupinus 」im-e̍k --e, chiok-sêng Tâi-gí im 「lō͘-piⁿ ê hoe」bat thiaⁿ kòe lâng kiò 「lu-pĭ-na-sù ルピナス」，chit-chióng hoe thong-siông seⁿ tī chng-kha ê lō͘-piⁿ iā-sī sán-chhân, lāu-châng lian-khì liáu-hāu sī piⁿ-á ti̍t-bu̍t sióng-hó ê thian-jiân ê pûi-liāu. so-í ū chin-chē te-hn̂g lâi-tē ē hoa̍t-chai 「  lō͘-piⁿ ê hoe 」chò ū-ki-pûi . Hoe-gí ū chi̍t-chiòng khek-khó͘ nāi-lô ê thian-sèng kah bô-su hi-siⁿ hōng-hiàn ê cheng-sîn, chiàⁿ-chhin-chhiūⁿ bú-ài ê úi-tāi, in-ūi an-ne 「 lō͘-piⁿ ê hoe  」hō͘ lâng kiò chò「bó-chhin hoe」,mā ū lâng kóng che sī khek-lâng ê bó͘-chhin hoe. *siòng-phìⁿ siāu-kài: cha-á-lâng chhōa góa lâi khòaⁿ lu-pĭ-na-sù ルピナス

「 魯冰花 」華語音 是 學名Lupinus音譯來--e , 足成 台語音「 路邊ê 花」捌(bat)聽過人叫「魯批那斯」 這種通常生佇莊腳ê路邊也是散田，老欉蓮去了後是邊阿ê 植物上好ê天然肥料。所以有真濟茶園内底會法栽「路邊ê花」做有機肥。花語有一種刻苦耐勞ê天性佮無私犧牲奉獻ê 精神,正親像母愛同款ê偉大，因為安呢 「路邊花」就予人叫做「母親花」，麻有人講這是客人ê 母親花。*相片紹介： 查阿人𤆬我來看魯批那斯ルピナス

**強力推薦客家電視台魯冰花電視劇 ： https://youtu.be/DoCsIy7WQUs

**華語說明

1.lû-peng-hoa / 魯冰花/ 路邊花/Lunpinus / 

   lupĭ-   nasu 魯批那斯/台灣腔ルピナス

2.chiok-sêng/足成= 很像

3.bat / 捌 / = 曾經/認識

4.tī chng-kha/佇莊腳= 在鄉下

5.iā-sī/也是=或是

6.sán-chhân/瘦田=貧瘠農田

7.lāu-châng lian-khì /老欉蓮去=成熟枯萎

8.hoa̍t-chai /法栽=培育栽種

9.cha-á-lâng/查阿人/查某人=這裡是指妻子，  台語中對妻子稱法有多種。

10.chhōa/𤆬 = 帶領

Phun化器

 有一日駛車去八通驗車,佇(tī)公司ê會客室,看著一台家庭用--e「厨餘機」teh解決公司員工食(chia̍h)中晝(tàu)賰(chhun)--e 欲丢捒(phiàⁿ-sak)--ê

這隻電器會當kā [phun] 分解做肥料閣(koh)攏無臭味,我感覺真理想,tī 阮兜(tau)厝後尾種一寡菜,用ē著。我就(tiō)注文一隻。雄雄不知欲(boeh)安怎用台語來叫「㕑餘機」後來，參考米語(Food waste decomposer)kā日語(生ごみ堆肥化機/Namagomi taihi-ka-ki) 應該會當叫做[phun分解機]抑是[phun化器].

相片前2張佇八通.後2張是佇阮兜

註解：「㕑餘桶」台語叫做「ㄆㄨㄣ ㄊㄤˋ/phun-tháng」米phun 就是洗過米的水，phun是生、熟㕑餘的統稱.

ū chīt ji̍t  sái chhia khì Pat-thong giām-chhia, tī kong-si ê hōe-kheh-sek, khòaⁿ tio̍h chi̍t-tâi ka-têng iōng--e 「㕑餘機」teh kái-koat goân-kang chia̍h tiong-tàu chhun--e beh phiàⁿ-sak--ê. Chi̍t-chiah tiān-khì ē-tàng kā 「phun」hun-kái chò pûi-liāu koh lóng-bô chhàu-bī ,

Góa kám-kak chin lí-sióng, tī goán-tau chhù āu-bóe chèng chi̍t-kóa chhài iōng ē tio̍h.

Góa tiō chù-bûn chi̍t-chiah. hiông-hiông m̄-chai beh án-chóaⁿ iōng Tâi-gí lai kiò 「㕑餘機」. āu-lâi chham-khó bí-gí(food waste decomposer) kā ji̍t-gí(生ごみ堆肥化機/nama gomi taihi-ka-ki) èng-kai ē-tàng kiò [phun hun-kái-ki] ah-sī [phun-hòa-khì]

散步

 台羅漢字：

散步行(kiâⁿ)大路、社區出口，水道水公司有一ê mi-ni e公園，内底有真濟花當咧開, 會當坐佇遮休睏納涼(nà-liâng)麻有冊會當借看，但是袂使黑白挽(bán)果子

pe̍h-ōe-jī

sàn-pō͘ kiâⁿ tōa-lō͘, siā-khu chhut-kháu chúi-tō-chúi kong-si 

ū chi̍t-ê mi-ni e kong-hn̂g, lāi-té ū chin chē hoa tng-teh khui,ē-tàng chē tī-chia hioh-khùn ná-liâng, mā ū chheh ē-tàng chioh-khòaⁿ, Tān-sī bē-sái o͘-pe̍h bán kóe-chí.

華語註解

水道水(chúi-tō-chúi): 自來水

mi-ni : 迷你

會當(ē-tàng)：可以

佇遮(tī-chia):在這裡

納涼(nà-liâng): 乘涼

袂使(bē-sái): 不可以

Hiuⁿ-koe-á

 古外月前tiām(墊）一欉香瓜á, 已經採收三擺，一站á日頭精猛(mé)猶過日頭長，早早就天光到下晡九點日頭正落山，天氣變甲足熱，日時頭á 用一支雨傘予伊遮日。

eng過佇台灣田莊所在，厝邊就有一phiâⁿ香瓜á, 阮伊io 定定捻瓜á鬚來炒、用香瓜á來煮湯，這款ê滋味taⁿ-mā 猶真數念

Ko͘-gōa-goe̍h chêng tiām chi̍t-châng hiuⁿ-koe-á,

í-keng chhái-siu koe-á-chhiu saⁿ-pái, chit-chām-á ji̍t-thâu chiaⁿ-mé iū-koh jīt-thâu tn̂g, chá-chá tō thiⁿ-kng kàu ē-po͘ káu-tiám ji̍t-thâu chiàⁿ lo̍h-soaⁿ,

thiⁿ-khì piàn kah chiok-joa̍h,

ji̍t-sî-thâu-á iōng chi̍t-ki hō͘-sòaⁿ hō͘ i jia-ji̍t.

éng-kòe tī Tâi-oân chhân-chng só͘-chāi, chhù-piⁿ tō ū chi̍t-phiâⁿ hiuⁿ-koe-á , goán i-io tiāⁿ-tiāⁿ liàm koe-á-chhiu lâi chhá , iōng hiuⁿ-koe-á lâi chú-thng, chi̍t-khoán ê chu-bī taⁿ-mā iáu chin siàu-liām.

**siăn-pái chhiáⁿ chí-tiám, ló͘-la̍t.

華語註解

*ko͘-gōa-goe̍h( 古外月):一個多月

*日頭chiaⁿ-mé(精猛): 太陽熾熱🥵

*i-io(伊喲):在台灣某些族群對媽媽的稱呼

*taⁿ-mā: 現在

iân-suiⁿ/sui(芫荽）

 

食過芫荽、bat看過芫荽開花結果bô?

菜園内底有種芫荽，這暫á 當咧開花，這是我頭擺看著芫荽開花結果，koh 不止á 媠⋯⋯

 chia̍h kòe iân-suiⁿ, bat khòaⁿ kòe iân-suiⁿ khui-hoe kiat-kó bô? Chhài-hn̂g-á lāi-té ū chèng

iân-suiⁿ, chit-chām-á tng-teh khui-hoe che sī góa thâu-pái khòaⁿ tio̍h iân-suiⁿ khui-hoe kiat-kó ,koh put-chí-á súi

華語註解

iân-suiⁿ/sui 芫荽：香菜

chit-chām-á 這暫á : 最近/這個期間

tng-teh 當咧 ： 正在

thâu-pái 頭擺 ：頭一次

put-chí-á 不止á : 非常、相當

súi 媠 ： 漂亮